ڪراچي: مشهور قوال Amjad Sabri جي قتل ڪيس ۾ نوان انڪشاف سامهون آيا آهن، جن موجب ’دلدار چاچا‘ نالي مشهور شخص مبينا طور هڪ ڳجهي دهشتگرد نيٽ ورڪ جو سربراهه هو، جڏهن ته لياقت آباد ۾ موجود هڪ عام دڪان ان نيٽ ورڪ جو مرڪز بڻيل هئي.رپورٽن موجب اها دڪان ظاهري طور اليڪٽريڪل ۽ پلمبنگ سامان جي دڪان هئي، پر اندر هڪ خفيه ورڪشاپ قائم هئي جتي هٿيارن جي مرمت، صفائي ۽ تياري ڪئي ويندي هئي، جڏهن ته مختلف ٽارگيٽ ڪلنگن جي رٿابندي به اتي ٿيندي هئي.جاچ دوران معلوم ٿيو ته دلدار چاچا پابندي مڙهيل تنظيمن سان لاڳاپيل هو ۽ بم ٺاهڻ جو ماهر سمجهيو ويندو هو. رپورٽ موجب هو امجد صابري قتل ڪيس جي جوابدار اسحاق بوبي جو سهرو پڻ هو.
22 جون 2016 تي رمضان المبارڪ دوران امجد صابري هڪ ٽي وي پروگرام ۾ شرڪت لاءِ گهران نڪتو ته موٽر سائيڪل سوار هٿياربندن سندس گاڏي تي فائرنگ ڪئي. پوليس موجب شروعاتي هٿيار جام ٿيڻ بعد ٻئي پستول سان فائرنگ ڪري کيس قتل ڪيو ويو.تحقيقات کان پوءِ اسحاق بوبي ۽ آصف ڪيپري کي گرفتار ڪيو ويو. اختيارين موجب ٻنهي جوابدارن ڪيترن ئي دهشتگردي ۽ ٽارگيٽ ڪلنگ ڪيسن ۾ ملوث هجڻ جو اعتراف ڪيو. بعد ۾ 6 مارچ 2017 تي دلدار چاچا مبينا پوليس مقابلي ۾ مارجي ويو، جڏهن ته سندس ٺڪاڻن تان هٿيار، بارودي مواد ۽ ڌماڪيدار ڪيميڪل پڻ هٿ آيا.سي ٽي ڊي موجب ان ڪارروائي کان پوءِ هن گروهه جو نيٽ ورڪ ختم ٿي ويو ۽ ڪراچي ۾ اهڙي قسم جي فرقيوارانه ٽارگيٽ ڪلنگ جي واقعن ۾ نمايان گهٽتائي آئي.
