ناروے جي پرڏيهي وزير ايسپن بارتھ ايڊے ٻن ڏينهن جي سراري دوري تي پاڪستان پهچي ويو، جتي پرڏيهي وزارت پهچڻ تي نائب وزيراعظم ۽ پرڏيهي وزير اسحاق ڊار سندس آجيان ڪئي.ترجمان پرڏيهي وزارت موجب، هڪ ڏهاڪي کان پوءِ ناروے جي ڪنهن پرڏيهي وزير جو پاڪستان جو هي پهريون دورو آهي. ملاقات دوران ٻنهيملڪن وچ ۾ لاڳاپن، علائقائي ۽ عالمي معاملن سميت مختلف اهم معاملن تي خيالن جي ڏي وٺ ڪئي وئي.ٻنهي اڳواڻن گڏيل دلچسپي وارن شعبن ۾ سهڪار کي وڌيڪ مضبوط بڻائڻ تي اتفاق ڪيو. اسحاق ڊار چيو ته پاڪستان ناروے سان پنهنجا ويجها ۽ مضبوط لاڳاپا وڌيڪ اڳتي وڌائڻ چاهي ٿو.ناروے جي پرڏيهي وزير چيو ته ناروے ۾ وڏي انگ ۾ پاڪستاني ڪميونٽي موجود آهي، جڏهن ته ناروے جون ڪيتريون ئي ڪمپنيون پاڪستان ۾ ڪاميابي سان ڪاروبار ڪري رهيون آهن ۽ ملڪ جي ترقي ۾ ڪردار ادا ڪري رهيون آهن.ناروے جي پرڏيهي وزير ايران ۽ آمريڪا وچ ۾ ڇڪتاڻ دوران پاڪستان جي ثالثي وارين ڪوششن کي ساراهيندي چيو ته پاڪستان علائقائي ۽ عالمي امن لاءِ اهم ڪردار ادا ڪيو آهي.
هن چيو ته موجوده ڇڪتاڻ عالمي امن ۽ معيشت لاءِ انتهائي خطرناڪ آهي. هن مشڪل وقت ۾ پاڪستاني قيادت جي ڪردار کي ساراهيندي وزيراعظم شهباز شريف ۽ فيلڊ مارشل عاصم منير جي ڪوششن کي پڻ قابلِ تعريف قرار ڏنو.
