ابوظهبي: متحده عرب امارات جي راڄڌاني ابوظهبي ۾ آمريڪي ثالثي هيٺ روس، يوڪرين ۽ آمريڪي وفدن وچ ۾ هلندڙ ٻن ڏينهن جي سه ملڪي ڳالهين کانپوءِ وڏي پيماني تي جنگي قيدين جي مٽاسٽا لاءِ اصولي اتفاق سامهون آيو آهي.
سفارتي نمائندن موجب، قيدين جي حتمي انگ کي آخري شڪل ڏني پئي وڃي، جنهن کي جاري تڪرار دوران سڀ کان وڏين انساني مٽاسٽا مان هڪ سمجهيو پيو وڃي. آمريڪي نمائندن طرفان هاڻي ماسڪو ۽ ڊبلن ۾ روسي ۽ يوڪريني قيادت سان الڳ الڳ ملاقاتون شيڊول آهن.
علائقائي معاملن تي اختلاف برقرار
انساني بنيادن تي پيش رفت جي باوجود، زمين جي ڪنٽرول ۽ جامع امن منصوبي بابت بنيادي اختلاف اڃا تائين حل ناهن ٿي سگهيا ۽ ڌريون پنهنجي موقف تي قائم آهن. ٻئي طرف پاڪستان گڏيل قومن جي سلامتي ڪائونسل ۾ فوري جنگبندي جو مطالبو دہرايو آهي ته جيئن سياري جي موسم کان اڳ توانائي ڍانچي تي حملن ۽ شهري مشڪلاتن کي روڪي سگهجي.
- آمريڪا، روس ۽ يوڪرين جا وفد ابوظهبي ڳالهين ۾ شريڪ رهيا
- جنگي قيدين جي وڏي رهائي لاءِ فني تفصيل مڪمل ڪيا پيا وڃن
- مکيه امن ۽ سرحدي معاملن تي وڌيڪ سفارتي رابطا جاري رهندا
عالمي مبصرن قيدين جي مٽاسٽا بابت اڳڀرائي کي مستقبل جي وسيع سفارتي رستا کليڻ لاءِ هڪ محدود مگر حوصلا افزا قدم قرار ڏنو آهي.
