نيپرا بجلي جي قيمت ۾ واڌ جي منظوري ڏئي ڇڏي

اسلام آباد: نيشنل اليڪٽرڪ پاور ريگوليٽري اٿارٽي(نيپرا) بجلي جي قيمت ۾ واڌ جي منظوري ڏئي ڇڏي.نيپرا موجب بجلي جي قيمت ۾ واڌ مارچ جي ماهوار فيول ايڊجسمنٽ جي مد ۾ ڪيو ويو آهي جنهن جي تحت بجلي جي قيمت ۾ 34 پئسا في يونٽ واڌ جي منظوري ڏني وئي آهي.نيپرا موجب قيمت ۾ واڌ سان بجلي صارفين تي 2 ارب 90 ڪروڙ روپين جو اضافي بار پوندو جڏهن ته بجلي جي واڌ جو اعلان لائف لائين ۽ ڪي اليڪٽرڪ صارفين تي نه هوندو.نيپرا موجب صارفين کي مئي جي بلن ۾ واڌو ادائگيون ڪرڻيون پونديون.