آءِ جي پنجاب ۽ سي سي پي او ۾ نازيبا ٻولي استعمال ڪرڻ جو معاملو، آءِ جي پنجاب ڪانسٽيبل شاهد کي ڀاڪر پاتو. تفصيل موجب آءِ جي ڊاڪٽر عثمان انور پنجاب انسٽيٽيوٽ آف مينٹل هيلٿ جو دورو ڪيو. آءِ جي پنجاب ذهني مريض شاهد زوهيب سان ملاقات ڪئي ملاقات دوران آءِ جي پنجاب عثمان انور ڪانسٽيبل کي گلي لڳايو ۽ شاهد زوهيب جي جلد صحتيابي لاءِ نيڪ خواهشن جو اظهار ڪيو ان موقعي تي آءِ جي پنجاب چيو ته ڪنهن جي بيماري جو مذاق اڏائڻ ناانصافي جي برابر آهي. عثمان انور چيو ته ذهني مريض کي جنگ جو حصو بڻائڻ بدران سندس صحتيابي لاءِ دعا ڪريو، ڪانسٽيبل شاهد کي لاڪ اپ ۾ رکڻ جو دعويٰ غلط ۽ حقيقتن جي ابتڙ آهي ياد رهي ته ان کان اڳ آءِ جي پنجاب ۽ سي سي پي او خلاف نازيبا لفظ استعمال ڪرڻ تي ڪانسٽيبل شاهد کي گرفتار ڪري پاگل خاني ۾ موڪليو ويو هو پوليس جو چوڻ هو ته اسلام پوره ٿاڻي تي مقرر اهلڪار 15 ڏينهن کان غير حاضر هو، ڪارروائي دوران گاڏي ڪلٽي ٿيڻ سبب اهلڪار جو مٿو زخمي ٿي پيو. جڏهن ته لاهور ۾ هڪ يوٽيوبر نشاندهي ڪئي ته پوليس اهلڪار شاهد سفر دوران هيلمٽ نه پيو پائي ۽ وڊيو ٺاهي. جڏهن اهلڪار کي روڪيو ويو ته هن بنا ڪنهن لالچ جا لفظ استعمال ڪيا، آءِ جي ۽ سي سي پي او لاهور کي به نه بخشيو. وڊيو ٺاهيندڙ شخص اهو به اشارو ڪيو ته پوليس اهلڪار جي موٽرسائيڪل نمبر پليٽ کان سواءِ هئي ۽ ڀرسان ئي ٽريفڪ وارڊن کي فون ڪرڻ لاءِ چيو. پوليس اهلڪار موقعي تي موجود ماڻهن کي چماٽون هنيا ۽ گاريون ڏنيون.
