ڪراچي:ڪراچي جي دهشتگردي ٽوڙ عدالت مهاجر قومي موومينٽ جي چيئرمين آفاق احمد جي 2 ڪيسن ۾ ضمانت منظور ڪري ورتي.لانڍي ۽ ڪورنگي ۾ ٽرڪن کي باهه ڏيڻ وارن واقعن بابت ڪيس جي ٻڌڻي دوران پوليس عدالت کي آگاهه ڪيو ته آفاق احمد خلاف لانڍي ۽ عوامي ڪالوني ٿاڻن ۾ ٻه ڪيس داخل آهن جن ۾ هو اڳ ئي گرفتار آهي.عدالت آفاق احمد جي ٻنهي ڪيسن ۾ ضمانت منظور ڪندي، هر هڪ لاءِ هڪ لک رپين جا مچلڪا جمع ڪرائڻ جو حڪم ڏنو.ان کانپوءِ آفاق احمد جي وڪيل ٻڌايو ته ضمانت بعد پوليس سرجاني ٽائون ٿاڻي ۾ داخل ڊمپر کي باهه ڏيڻ واري هڪ ٻئي ڪيس ۾ سندس نئين گرفتاري ظاهر ڪري ڇڏي.ياد رهي ته ڪراچي ۾ ڊمپر ۽ ٽرڪن جي وڌندڙ حادثن کانپوءِ شهر ۾ ڪجهه ٽرڪن ۽ ڊمپرن کي باهه ڏني وئي هئي، جنهن بعد آفاق احمد کي بيان ڏيڻ تي گرفتار ڪيو ويو هو.
