اڳوڻي وفاقي وزير شيرين مزاري الزام مڙهيو آهي ته پوليس اهلڪار ڀت ٽپي گهر ۾ داخل ٿيا ۽ سندس ڌيءَ ايمان مزاري کي ڇڪي کڻي ويا. تفصيل موجب اسلام آباد جي احتساب عدالت ۾ صحافين سان ڳالهائيندي هن چيو ته ايمان کي گرفتار ڪرڻ لاءِ اهلڪار دروازي کي ٽوڙي گهر ۾ داخل ٿيا، گارڊ کي ڪيبن ۾ بند ڪيو، موبائل فون کڻي ويا ۽ دروازو ڀڃڻ جي به ڪوشش ڪئي. 20 جي لڳ ڀڳ ماڻهو گهر ۾ داخل ٿيا، جن مان 6 عورتون به گهر ۾ نظر آيون، پوليس اهلڪار ايمان کي ڇڪي ٻاهر وٺي آيا، منهنجي ڪمري جي به تلاشي ورتي شيرين مزاري چيو ته مان ۽ ايمان گهر ۾ رهون ٿا، خبر ناهي ڇو دروازو ٽوڙيو، موبائل فون ۽ ڪئميرائون به کڻي ويا ان حوالي سان اسلام آباد پوليس پنهنجي بيان ۾ ايمان مزاري کان علاوه علي وزير جي گرفتاري جي تصديق ڪئي آهي، ان حوالي سان اسلام آباد پوليس جي ترجمان جو چوڻ آهي ته اسلام آباد پوليس کي جاچ لاءِ گهربل ٻن جوابدارن جي گرفتاري جي حوالي سان ڪارروائي ڪئي ويندي ياد رهي ته اسلام آباد پوليس اڳوڻي وفاقي وزير شيرين مزاري جي ڌيءَ ايمان مزاري کي گرفتار ڪري ورتو آهي، ممڪن آهي ته ان ئي سبب تي عمل ڪيو ويو هجي. اهڙي طرح اسلام آباد پوليس اڳوڻي ميمبر قومي اسيمبلي علي وزير کي به گرفتار ڪري ورتو آهي، علي وزير کي ڪار حڪومت ۾ مداخلت ڪرڻ تي ترنول ٿاڻي تان گرفتار ڪيو ويو
