Iran جي سيڪيورٽي ڪائونسل آمريڪي صدر Donald Trump جي ان دعويٰ کي رد ڪري ڇڏيو آهي ته ايران جوهري هٿيار حاصل نه ڪرڻ تي راضي ٿي ويو آهي.ايراني ميڊيا موجب سيڪيورٽي ڪائونسل جي ترجمان Ebrahim Rezaei چيو ته ايران پنهنجي ايٽمي پروگرام بابت آمريڪا سان ڪو به واعدو ناهي ڪيو، نه ئي افزودہ يورينيم يا يورينيم افزودگي بابت ڪا ڳالهه ٻولهه يا معاهدو ٿيو آهي.هن چيو ته ايران جنگ جي خاتمي لاءِ پنهنجون شرطون آمريڪا آڏو واضح ڪري چڪو آهي ۽ انهن شرطن تان ڪنهن به صورت ۾ پوئتي نه هٽندو. سندس چوڻ هو ته هاڻي ڏسڻو آهي ته آمريڪا سفارتي ذريعن سان ڪنهن نتيجي تي پهچي ٿو يا نه.ترجمان وڌيڪ چيو ته ايران پنهنجي قومي مفادن ۽ دفاعي حڪمت عملي تي قائم آهي، جڏهن ته فوجي معاملن بابت فيصلا لاڳاپيل ادارا ئي ڪندا. هن اهو به چيو ته مناسب وقت اچڻ تي ضروري قدم کنيا ويندا.ٻئي طرف آمريڪي نشرياتي اداري CNN پنهنجي هڪ رپورٽ ۾ چيو هو ته تجويز ڪيل معاهدي ۾ ايران جي جوهري هٿيارن کان دستبرداري بابت ڪا واضح شق شامل ناهي. ان رپورٽ تي صدر ٽرمپ ردعمل ڏيندي سي اين اين کي ٻيهر غلط رپورٽنگ جو ذميوار قرار ڏنو.
