تفصيل موجب سي پي پي اي آڪٽوبر جي مهيني جي فيول ايڊجسٽمينٽ بابت درخواست داخل ڪئي آهي، جنهن ۾ چيو ويو آهي ته نيپرا اٿارٽي 26 نومبر تي بجلي جي قيمت ۾ هڪ رپيو 1 پئسا گهٽتائي ڪري. سي پي پي اي ٻڌايو ته آڪٽوبر ۾ 9 ارب 981 ملين يونٽ بجلي وڪرو ڪئي وئي، بجلي جي فيول قيمت 9 رپيا 26 پيسا في يونٽ هئي، 31.06 سيڪڙو پاڻي مان، 14.79 سيڪڙو مقامي ڪوئلي مان پيدا ڪئي وئي. درخواست ۾ چيو ويو آهي ته آڪٽوبر ۾ 8.79 سيڪڙو بجلي درآمد ٿيل ڪوئلي مان، 8.05 سيڪڙو ملڪي گئس، 19.51 سيڪڙو درآمد ٿيل ايل اين جي ۽ 14.05 سيڪڙو ايٽمي ايندھن مان پيدا ڪئي وئي. آڪٽوبر تي ناڻي واري وفاقي وزارت پنجاب جي پهرين ٽه ماهي ۾ 160 ارب رپين جو خسارو ٻڌايو ۽ 15 نومبر تي ان کي 40 ارب رپين جي سرپلس ۾ تبديل ڪيو ويو.
