سکر: ادارن جي توهين ۽ عوام کي بغاوت تي اُکسائڻ واري ڪيس ۾ مريم نواز کي سکر جي سيشن ڪورٽ 10 مارچ تي طلب ڪري ورتو، نوٽيس جاري ڪري ڇڏيا آهن، جڏهن ته گذريل ڏينهن پاڪستان تحريڪ انصاف جي ضلع صدر ايڊووڪيٽ ظهير بابر پاران داخل درخواست تي ٻڌڻي ٿي. جي سربراهي ۾ اڄ پنجين ايڊيشنل ڊسٽرڪٽ اينڊ سيشن جج ممتاز سولنگي مريم نواز، ايس ايڇ او ماڊل ٽائون، ڊائريڪٽر ۽ ڊپٽي ڊائريڪٽر سائبر ڪرائم ايف آءِ اي ۽ ايس ايس پي سکر کي 10 مارچ تي طلب ڪري ورتو، عدالت ۾ فيصلو ڪيو ويو آهي ته مريم نواز ريلي ۾ پنهنجي تقرير دوران ادارن خلاف ڳالهايو ۽ ادارن جو مذاق اڏايو، عوام کي ادارن خلاف ڀڙڪائڻ ۽ بغاوت ڪرڻ جي ڪوشش ڪئي، کيس 10 مارچ تي نوٽيس جاري ڪندي طلب ڪيو ويو آهي.
