فيصل ڪريم ڪنڊي جو چوڻ آهي ته شاهد خاقان عباسي جي نظرياتي خيالن سان اتفاق ناهي. تفصيل موجب پيپلز پارٽي جي اڳواڻ فيصل ڪريم ڪنڊي اي آر واءِ نيوز جي پروگرام ”بخار سويرا“ ۾ ڳالهائيندي چيو ته سياسي پارٽين کي ڳالهين لاءِ گڏجي ويهڻو پوندو، ٻئي کي منهن ڏيڻو پوندو چونڊن لاءِ حالتون سازگار آهن يا نه، اها الڳ ڳالهه آهي. فيصل ڪريم ڪنڊي چيو ته اسان چيو ته چونڊون 60 ڏينهن ۾ ٿيڻ گهرجن پر پي ٽي آءِ چيو ته چونڊون 90 ڏينهن ۾ ٿيڻ گهرجن. چونڊون 60 ڏينهن ۾ هجن يا 90 ڏينهن ۾، پيپلز پارٽي تيار آهي، عوام ان پارٽي کي ووٽ ڏيندو جنهن ڪم ڪيو آهي پيپلز پارٽي جي اڳواڻ شاهد خاقان عباسي بابت ڳالهائيندي چيو ته هو اڳوڻي وزيراعظم جي نظرياتي ڳالهين سان متفق نه آهن ياد رهي ته گذريل ڏينهن شاهد خاقان عباسي چيو هو ته هي پاڪستان جي تاريخ جي بدترين اسيمبلي آهي. تاريخ جي سڀ کان مايوس ڪندڙ ۽ بدترين پارليامينٽ جو اڄ آخري ڏينهن آهي، اڄ عوام ان مان ڇوٽڪارو حاصل ڪري وٺندو. هن چيو ته خوشي ۽ افسوس ٻئي آهن، قوم کان معافي گهران ٿو، ايوان ۾ اڪثر بل پڙهڻ کانسواءِ پاس ڪيا ويندا آهن. جڏهن ته 13 پارٽين جي اتحادي حڪومت ختم ٿي چڪي آهي. صدر عارف علوي وزيراعظم شهباز شريف طرفان موڪليل قومي اسيمبلي ٽوڙڻ جي سمري تي صحيح ڪري ڇڏي. صدر پاران وزيراعظم جي سمري تي صحيح ڪرڻ کانپوءِ قومي اسيمبلي سان گڏ وفاقي ڪابينا به ٽوڙي وئي، وزيراعظم شهباز شريف قومي اسيمبلي ٽوڙڻ جي سمري تي صحيح ڪري ڇڏي.
