صدر آصف علي زرداري امن امان بابت اهم اجلاس طلب ڪري ورتو آهي. ذريعن موجب صدر آصف علي زرداري امن امان بابت اهم اجلاس اڄ طلب ڪري ورتو آهي جنهن ۾ وفاقي گهرو وزير محسن نقوي، سنڌ جو وڏو وزير سيد مراد علي شاهه، صوبائي گهرو وزير ۽ آءِ جي سنڌ سميت انٽيليجنس اختياريون شرڪت ڪنديون. ذريعن ٻڌايو آهي ته امن امان بابت اجلاس بلاول هائوس ۾ شام 4 وڳي منعقد ٿيندو جنهن ۾ ڪراچي ۽ سنڌ جي ڪچي وارن علائقن ۾ امن امان جي صورتحال تي آءِ جي سنڌ بريفنگ ڏيندو.
