تفصيل مطابق، آمريڪي صدر ڊونلڊ ٽرمپ گذريل ٻن ڏينهن ۾ اسرائيلي وزيراعظم نيتن ياهو سان گڏ هڪ گڏيل پريس ڪانفرنس ۾ غزه تي قبضي جو بيان ڏنو هو، جنهن تي دنيا ۾ مختلف ردعمل آيا آهن ۽ وائٽ هائوس کي ان بابت وضاحت جاري ڪرڻي پئي. جماعت اسلامي جي نائب امير لياقت بلوچ ٽرمپ کي ذهني بيمار قرار ڏيندي چيو آهي ته ٽرمپ جو غزه بابت بيان احمقانه آهي ۽ ان جي ذهني صحت آمريڪا ۽ دنيا لاءِ خطرناڪ آهي. لياقت بلوچ پنهنجي بيان ۾ ملڪ جي سياسي صورتحال بابت به ڳالهايو ۽ چيو ته سياسي بحران پورے پاڪستان ۾ غير يقيني کي وڌائي رهيو آهي. اُنهن چيو ته سنڌ باب الاسلام آهي، پر هتي جا حڪمران ان کي باب فسادات بڻائي ڇڏيو آهي. اُنهن وڌيڪ چيو ته سنڌ جي سياست کرپشن ۽ جبر مافياز جي سرپرستي ۾ تبديل ٿي چڪي آهي، ۽ سنڌ جي سياسي سول سوسائٽي جي قيادت کي تعليم کي مڪمل تباهي کان بچائڻ لاءِ اڳتي اچڻ گهرجي.
