اليڪشن ڪميشن کي قومي اسيمبلي جي سمورن 266 تڪن مان 264 جا نتيجا ملي ويا آهن. اين اي 88 خوشاب جو نتيجو رويو آهي جڏهن ته اين اي 8 باجوڙ ۾ پولنگ ملتوي ڪئي وئي آهي اليڪشن ڪميشن موجب قومي اسيمبلي ۾ ڪامياب ٿيندڙ پي ٽي آءِ جي آزاد اميدوارن سميت گڏيل تعداد 101 ٿي ويو آهي. مسلم ليگ(ن) هينئر تائين 75 سيٽن تي ڪامياب ٿي آهي جڏهن ته 4 آزاد اميدوارن مسلم ليگ(ن) ۾ شموليت جو اعلان ڪيو آهي. جڏهن ته پيپلز پارٽي جي ڪامياب اميدوارن جو انگ 54 ٿي ويو آهي ايم ڪيو ايم 17، جي يو آءِ 4، پاڪستان مسلم ليگ(ق) 3 جڏهن ته استحڪام پاڪستان پارٽي ۽ بلوچستان نيشنل پارٽي 2-2 سيتون کٽن ۾ ڪامياب ٿي ويا آهن. نيشنل پارٽي، بلوچستان عوامي پارٽي، پختونخواهه ملي عوامي پارٽي، پختونخواهه نيشل عوامي پارٽي، مسلم ليگ ضيا ۽ ايم ڊبليو ايم هڪ هڪ سيٽ کٽي سگهيا اليڪشن ڪميشن آف پاڪستان کي اي ايم ايس سسٽم تي ملندڙ عام چونڊن 2024 جي حتمي ۽ سرڪاري نتيجن ۾ تحريڪ انصاف جا حمايت يافته آزاد اميدوارن وڏي انگ ۾ ڪاميابي حاصل ڪري ورتي آهي.
