عيدالاضحيٰ تي قرباني کان پوءِ اڪثر ماڻهن کي اها فڪر هوندي آهي ته گوشت کي فريج يا ڊيپ فريزر کان سواءِ ڪيئن محفوظ رکجي ته جيئن اهو ڪيترن ڏينهن تائين استعمال ڪري سگهجي.
پاڪستان سميت مختلف ايشيائي ملڪن ۾ سنتِ ابراهيمي ادا ڪرڻ کان پوءِ گوشت کي محفوظ رکڻ لاءِ روايتي ۽ گهريلو طريقا به استعمال ڪيا ويندا آهن، جڏهن ته جديد دور ۾ فريج ۽ ڊيپ فريزر کي ان لاءِ تمام اهم سمجهيو ويندو آهي.
جيڪڏهن توهان چاهيو ٿا ته قربانيءَ جو گوشت گهڻي عرصي تائين محفوظ رهي، ته هيٺيان طريقا مددگار ثابت ٿي سگهن ٿا:
گوشت محفوظ رکڻ جا آزمودا طريقا
گوشت کي فريز ڪرڻ کان اڳ ڌوئڻ کان پاسو ڪيو، ڇو ته نمي رهجي وڃڻ جي صورت ۾ بيڪٽيريا پيدا ٿي سگهي ٿو، جيڪو گوشت کي خراب ڪري سگهي ٿو.
گوشت کي هلڪو چلهي تي ڀُڃي (اڌ پڪو ڪري) المونيم فوائل ۾ ويڙهي ڇڏيو. هن طريقي سان گوشت تقريباً ٻن مهينن تائين محفوظ رهي سگهي ٿو.
جن ماڻهن وٽ فريج يا فريزر موجود نه هجي، اهي گوشت کي بوٽين جي صورت ۾ ڪٽي ڌاڳي ۾ پرو ڪري هوا دار ۽ سج واري جاءِ تي ٽنگي سڪائي سگهن ٿا. سڪي وڃڻ کان پوءِ اهو گوشت ضرورت موجب استعمال ڪري سگهجي ٿو.
هي طريقا روايتي طور تي آزمودا آهن ۽ مناسب احتياط سان گوشت کي گهڻي عرصي تائين محفوظ رکڻ ۾ مدد ڏين ٿا۔
