فيصل آباد : ۾ قلم 144 لاڳو، اڄ عام موڪل جو اعلان. ڊپٽي ڪمشنر آفيس پاران جاري ڪيل نوٽيفڪيشن موجب ضلعي ۾ 7 ڏينهن لاءِ قلم 144 لاڳو ڪيو ويو آهي جنهن تحت ڪنهن به قسم جي احتجاج ۽ ڌرڻن جي اجازت نه ڏني ويندي. ڊپٽي ڪمشنر فيصل آباد پاران جاري ڪيل هڪ ٻئي نوٽيفڪيشن موجب ضلعي ۾ امن امان برقرار رکڻ لاءِ سڀاڻي عام موڪل جو اعلان ڪيو ويو آهي واضح رهي ته پنجاب جي شهر جڑانوالا ۾ توهين رسالت جو مبينا واقعو پيش آيو، مشتعل ماڻهن عيسائي برادري جا 4 گرجا گهر، درجنوں گهر، گاڏيون ۽ سامان ساڙي ڇڏيو هوڏانهن نگران وزيراعظم انوارالحق ڪاڪڙ جڑانوالا واقعي جو نوٽيس وٺندي واقعي ۾ ملوث ماڻهن خلاف ڪارروائي جو حڪم ڏئي ڇڏيو آهي وزيراعظم چيو ته کيس جڑانوالا مان مليل خبر تي تمام گهڻو ڏک ٿيو آهي، اقليتن کي نشانو بڻائيندڙن خلاف سخت ڪارروائي ڪئي ويندي، سمورن قانون لاڳو ڪندڙ ادارن کي هدايت ڪئي وئي آهي ته قانون جي ڀڃڪڙي تي ڪارروائي ڪئي وڃي انوار الحق ڪاڪڙ چيو ته واقعي ۾ ملوث شرپسندن کي گرفتار ڪري سزا ڏني وڃي، حڪومت پنهنجي اقليتن سان گڏ بيٺل آهي. ٻئي طرف اڳوڻي وزيراعظم شهباز شريف به جڑانوالا واقعي جي سخت مذمت ڪندي چيو آهي ته پاڪستان مسيحي برادري جي ووٽن سان ٺاهيو ويو آهي اڳوڻي وزيراعظم چيو ته انهن قربانين ۽ ملڪ جي خدمت کي ڪڏهن به وساري نه سگهنداسين، قانون ٽوڙيندڙن خلاف سخت ڪارروائي ٿيڻ گهرجي، اهڙن عملن جي نه اسلام اجازت ڏئي ٿو ۽ نه ئي آئين ۽ قانون. شهباز شريف چيو ته عالمن ۽ بزرگن کي قرآن ۽ سنت جي خلاف اهڙن نفرت آميز عملن جي سخت مذمت ڪرڻ گهرجي، هي واقعو قابل مذمت ۽ قوم لاءِ افسوس جوڳو آهي، پنجاب حڪومت گرجا گهرن جي بحالي لاءِ قدم کڻي، هڪ ڀيرو ٻيهر 9 مئي جو ڏهاڙو ملهايو ويندو. سانحو ٻيهر جنم ورتو، قوم جو سر شرم کان جھڪي ويو.
