تفصيلن مطابق لوئر ڪرم ۾ مسافر بس تي فائرنگ سبب جابحق ٿيندڙ ڄڻن جو انگ 45 ٿي ويو آهي جڏهن ته دهشت گردن جي حملي ۾ زخمي 37 ڄڻا مختلف اسپتالن ۾ علاج هيٺ آهن. دهشت گردن جي حملي ۾ مارجي ويل سڀئي جابحق ڄڻا پارا چنار پهچايا ويا آهن، جابحق ڄڻن جي اجتماعي نماز جنازه اڄ ادا ڪئي ويندي. جنازي کانپوءِ جابحق ڄڻن کي انهن جي پنهنجي علائقن ۾ تدفين ڪيو ويندو، پارا چنار ۾ طوري قبيلي نے جابحق ڄڻن جي غم ۾ 3 ڏينهن جو سوگ ۽ طوري قبيلي دھرني جو به اعلان ڪيو آهي. وڌيڪ پڙهو: ڪرم ۾ مسافر گاڏين تي فائرنگ، 6 عورتن سميت 38 ڄڻا جابحق گزشتہ روز لوئر ڪرم ۾ پارا چنار ويندڙ مسافر گاڏين تي دهشت گردن فائرنگ ڪئي هئي، فائرنگ سبب ڇهن عورتن سميت اٺاھه ڄڻا جابحق ۽ ڪيترائي زخمي ٿي ويا هئا، گاڏين جو هڪ قافلو پشاور کان ڪرم ۽ ٻيو ڪرم کان پشاور وڃي رهيو هو. صدر آصف زرداري نے ڪرم ۾ مسافر گاڏين تي فائرنگ جي مذمت ڪندي چيو ته سڪيورٽي ادارن کي هدايت ڏني آهي ته شهري حملن جا ذميوار ڪنهن به صورت ۾ کيئر ڪردار تائين پهچايا وڃن. وزير داخلہ محسن نقوي جو چوڻ هو ته معصوم ماڻهن کي نشانو بڻائڻ وارا ڪنهن به قسم جي رعايت جا حق دار نٿا ٿي سگهن.
