فواد چوڌري جو چوڻ آهي ته ملڪ ۾ اڃا عام چونڊون نه ٿي رهيون آهن. تفصيل موجب اڳوڻي وفاقي وزير فواد چوڌري صحافين سان غير رسمي ڳالهه ٻولهه ڪندي چيو آهي ته اليڪشن ڪميشن جي توهين واري معاملي تي ٻيهر غير مشروط معافي گهري ورتي آهي، ڏسجي ته اليڪشن ڪميشن جو ڪهڙو فيصلو ٿئي ٿو پيپلز پارٽي ۽ مسلم ليگ (ن) آئين سان جيڪو ڪجهه ڪيو آهي اهو سڀني جي سامهون آهي. فواد چوڌري چونڊن جي حوالي سان ڳالهائيندي چيو ته ملڪ ۾ اڃا عام چونڊون نه ٿي رهيون، تڪ بندين جون ڳالهيون ٿي رهيون آهن. جيڪڏهن تڪ بنديون ٿيون ته ان جو مطلب آهي ته چونڊون وقت تي نه ٿيون. ان کان اڳ اڳوڻي وفاقي وزير فواد چوڌري نئين آدمشماري کي عدالت ۾ چئلينج ڪرڻ جو اعلان ڪيو هو پنهنجي بيان ۾ فواد چوڌري چيو ته نئين مردم شماري پنجاب جي سياسي حقن تي وڏو ڦرلٽ آهي، ڇا ٿيو، پنجاب جي آبادي ايتري گهٽجي وئي آهي جو قومي اسيمبلي جون 8 سيٽون گهٽجي ويون آهن. هن چيو ته نه ته طريقيڪار تي بحث ڪيو ويو ۽ نه ئي نتيجن جي شفافيت جي نتيجي ۾ جهلم ۽ چکوال جهڙا ضلعا هڪ سيٽ وارا ضلعا بڻجي ويندا. فواد چوڌري چيو ته نئين آدمشماري جي نتيجي ۾ ملتان، لاهور ۽ گوجرانوالا جون به سيٽون ختم ٿي وينديون پنجاب جي سياستدانن جو رويو مايوس ڪندڙ آهي، هاڻي ان آدمشماري کي عدالت ۾ چئلينج ڪندس. ياد رهي ته گڏيل مفادن واري ڪائونسل نئين آدمشماري جي منظوري ڏئي ڇڏي، نئين آدمشماري جي اتفاق راءِ سان منظوري ڏني وئي. گڏيل مفادن واري ڪائونسل جي اجلاس ۾ نئين آدمشماري بابت معاملن تي غور ڪيو ويو، جڏهن ته منصوبابندي ۽ ترقي واري وزارت گڏيل مفادن واري ڪائونسل کي ڊجيٽل مردم شماري تي بريفنگ ڏني.
