تفصيلن مطابق، آءِ ايم ايف جي ڊائريڪٽر ڪميونيڪيشن جولي ڪوزيڪ هڪ پريس ڪانفرنس دوران چيو ته آءِ ايم ايف قرض پروگرام ۾ ششمهيا سان گڏ هر ٽي مهيني جو ڪارڪردگي جو جائزو پڻ وٺي سگهي ٿو. جولي ڪوزيڪ چيو ته پاڪستان جو حالیہ دورو 12 کان 15 نومبر تائين ڪارڪردگي جو جائزو وٺڻ لاءِ ڪيو ويو، ۽ پاڪستان قرض پروگرام جي هدفن کي حاصل ڪرڻ لاءِ پُرعزم آهي. هن ٻڌايو ته آءِ ايم ايف جي ٽيم پاڪستاني اختيارين سان ملاقات کانپوءِ اميد افزا آهي، ۽ موسمياتي فنانسنگ ۾ پاڪستان لاءِ هڪ نئون قرض پروگرام تي ڪم جاري آهي، جنهن کي “ريزائلينس سسٽين ايبلٽي فيسيليٽي” چيو وڃي ٿو. جولي ڪوزيڪ چيو ته موسمياتي فنانسنگ لاءِ نئين قرض پروگرام تي تفصيلن سان مشاورت ڪرڻ ضروري آهي، ۽ آءِ ايم ايف پاڪستان جي قرض پروگرام ۾ معاشي هدفن ۽ ڪارڪردگي جو جائزو وٺي رهيو آهي. هن وضاحت ڪئي ته ٽيڪس آمدني ۾ گهٽتائي تي آءِ ايم ايف جي مشن پاران مڪمل جائزو وٺڻ جا عمل جاري آهن.
