ڪراچي: Pakistan Railways جعلي ٽڪيٽن ذريعي مسافرن کي دوکو ڏيندڙ عنصرن خلاف سخت ڪارروائي شروع ڪري ڇڏي آهي۔ ڊپٽي چيف ڪمرشل مينيجر ناصر نذير جي هدايتن تي سمورن ڊويزنل آفيسرن کي حڪم ڏنو ويو آهي ته ٽرين چيڪنگ دوران هر ٽڪيٽ اسڪين ڪري تصديق ڪئي وڃي۔ڪراچي ڪينٽ ريزرويشن آفيس ۾ هڪ اهم ڪارروائي دوران جعلي ٽڪيٽ استعمال ڪندڙ شخص کي گرفتار ڪيو ويو۔ جاچ ۾ معلوم ٿيو ته ٽڪيٽ جو ريلوي رڪارڊ ۾ ڪو اندراج موجود نه هو، جنهن بعد جوابدار خلاف ڪيس پڻ داخل ڪيو ويو۔
