تفصيل موجب هٿياربند فوج جي پبلڪ رليشنز کاتي (آءِ ايس پي آر) طرفان جاري ڪيل بيان ۾ چيو ويو آهي ته آرمي چيف جنرل سيد عاصم منير خيرپور ٽاميوالي جو دورو ڪيو، جنرل سيد عاصم منير بهاولپور ڪور جي تربيتي جنگي مشقن جو مشاهدو ڪيو، جنهن کانپوءِ هو هن فيلڊ مشق جي مختلف پهلوئن تي بريفنگ ڏني، مشقن جو مقصد جنگ جي ميدان دوران پيشه ورانه صلاحيتن سميت آپريشنل ماحول ۾ مستقبل جي چيلنجز لاءِ تياري ڪرڻ هو، صلاحيتن کي وڌيڪ بهتر بڻائڻ لاءِ آرمي چيف جنرل سيد عاصم منير گڏيل فائر ۽ جنگي مشقن جو مشاهدو ڪيو. پاڪستان ايئر فورس ۽ ڪمبيٽ ايوي ايشن جي سهڪار سان آرمر، ميڪنائزڊ انفنٽري، آرٽلري، ايئر ڊفينس، اينٽي ٽينڪ گائيڊڊ ميزائل سميت مختلف عنصرن جي فائر پاور جو پڻ مشاهدو ڪيو ويو، جنهن بعد آرمي چيف جنرل سيد عاصم منير جوانن سان ڳالهه ٻولهه ڪئي. مشقن ۾ شرڪت ڪندڙن آفيسرن ۽ جوانن جي تربيتي معيار، آپريشنل تيارين ۽ اعليٰ حوصلي کي ساراهيو، جنرل سيد عاصم منير هدايت ڪئي ته هو هر حالت ۾ روايتي جوش ۽ جذبي سان قوم جي خدمت ڪندو رهندو، آرمي چيف واضح ڪيو ته هو چڱي ريت واقف آهن. ملڪ جي عوام کي درپيش چيلنجز کي منهن ڏيڻ ۽ قوم جي حمايت سان دشمنن جي ڪنهن به ناپاڪ ارادن کي ناڪام بڻائڻ لاءِ تيار آهي، هن چيو ته پاڪ فوج هر قسم جي مشڪلاتن باوجود پاڪستان جي علائقائي سالميت ۽ خودمختياري جي دفاع لاءِ مڪمل تيار آهي. انشاءَ الله پاڪستان دشمنن کي شڪست ملندي
