پريالوءِ رپورٽ (مشتاق احمد سولنگي) پريالوءِ اسان جي ڳوٺ مان گندگي ختم ڪرائي ڏيو ً ٽائون ڪاميٽي پريالوءِ جي وارڊ نمبر 3 جي ڳوٺ الهداد بڙدي جي رهواسين جو ٽائون انتظاميا خلاف احتجاجي مظاهرو مظاهري جي اڳواڻن نظر حسين بڙدي . عبدالطيف بڙدي . گل حسن بڙدي . مصري خان بڙدي . قادر بخش بڙدي سميت ٻين ميڊيا کي ٻڌايوته ٽائون پريالوءِ انتظاميا جي نااهلي ڪري اسان جي ڄاڻايل وارڊ جي ڳوٺ ۾ گذريل ڪيترن ئي مهينن کان صفائي نه پئي ڪرائي هنن چيوته ڳوٺ جي گهٽين ۾ نالين جي صفائي نه ٿيڻ ڪري ناليون مٽي سان ڀرجي ويون تنهن ڪري نالين جو پاڻي نيڪال نه ٿيڻ ڪري ڪنو پاڻي گهٽين ۾ تلاءُ جي صورت ۾ بيهڻ بعد نالين جو ڪنو پاڻي گهرن ۾ ڪاهي پيوجنهن ڪري ڳوٺ ۾ مختلف خطرناڪ بيمارين منهن ڪڍيو آهي . هنن ٽائون پريالوءِ جي چيئرمين سيد جمن شاهه ۽ وائيس چيئرمين محمد حيات عرف لالو بڙدي مٿان الزام هڻندي چيوته هو اسان جي وارڊ واري ڳوٺ ۾ صفائي ڪرائڻ جي بهاني ڪوڙا بل ڏيکاري هر مهيني لکين روپيه هڙپ ڪري رهيا آهن هنن ڊي سي خيرپور . ضلعه خيرپور چيئرمين سميت ٻين اختيارين کان مطالبو ڪندي چيوته نوٽس وٺي اسان جي ڄاڻايل ڳوٺ ۾ صفائي ڪرائي بيچيني ختم ڪرائي وڃي ٻئي صورت ۾ ٽائون انتظاميه خلاف احتجاجي تحريڪ هلائيبداسين ٻئي طرف رابطي ڪرڻ تي چيئرمين ٽائون ڪاميٽي پريالوءِ سيد جمن شاهه ٻڌايوته اسان جي صفائي واري ٽيم ڄاڻايل ڳوٺ ۾ وڃي صفائي ڪن ٿا هن چيوته ڪني پاڻي نيڪال واري ٽيوب ويل تي رکيل موٽر خراب آهي جيڪو ڪم پبلڪ هيلٿ وارن جي هٿ ۾ آهي
