اسلام آباد (ويب ڊيسڪ): ايران ۽ آمريڪا وچ ۾ اهم ڳالهيون لاءِ ايراني اعليٰ سطحي وفد اڱاري شام اسلام آباد پهچندو، جنهن جي اڳواڻي ايراني پارليامينٽ جي اسپيڪر محمد باقر قالیباف ڪندا۔
ذريعن موجب ڳالهيون جي حوالي سان سخت سيڪيورٽي انتظام ڪيا ويا آهن، جڏهن ته آمريڪي نائب صدر جے ڈی وینس پڻ ڳالهين ۾ شرڪت لاءِ واشنگٽن کان پاڪستان روانا ٿيندا۔
آمريڪي ميڊيا سي اين اين موجب ايران ۽ آمريڪا وچ ۾ ڳالهيون اربع تي اسلام آباد ۾ ٿينديون، جتي پاڪستان “اسلام آباد معاهدو” ممڪن بڻائڻ لاءِ اهم ڪردار ادا ڪري رهيو آهي۔
پاڪستان جي نائب وزيراعظم اسحاق ڊار پنهنجي ايراني هم منصب سان ٽيليفونڪ رابطو ڪيو آهي ته جيئن ڳالهيون ڪامياب بڻايون وڃن۔
ٻئي پاسي وفاقي گهرو وزير محسن نقوي سان ملاقات دوران آمريڪي ۽ ايراني سفيرن پاڪستان جي مثبت ڪردار کي ساراهيو۔
وڌيڪ اهو ته ايراني صدر مسعود پزشکیان چيو آهي ته آمريڪا تي تاريخي بي اعتمادي اڃا به برقرار آهي ۽ بامعنيٰ ڳالهيون لاءِ واعدن جو احترام ضروري آهي۔
هن چيو ته ايران ڪنهن به دٻاءَ ۾ نه ايندو ۽ آمريڪي بيانن جي تضاد سان ڳالهيون متاثر ٿي سگهن ٿيون، ايران جنگ جو خاتمو چاهي ٿو پر قومي وقار تي ڪو به سمجھوتو قبول نه ڪندو۔
