حيدرآبادقديم سناتني ادب ۽ فڪر جي ارتقا تي روشني رکندڙ اھم گِرنٿ ‘ديوي پُراڻ’ جي اڀياس مان معلوم ٿئي ٿو تھ ھي ڪتاب ڪائناتي حقيقتن، روحاني ارتقا ۽ ديوي ماتا جي مختلف روپن کي سمجھڻ لاءِ بنيادي حيثيت رکي ٿو. سنڌ جي تاريخي پس منظر ۾ ھتان جا اسڪالر ۽ محقق مذھبي ۽ فل سفيانھ ڪتابن جي اڀياس ذريعي پراڻن لاڳاپن کي نئين سرا اجاگر ڪري رھيا آھن. ان سلسلي ۾ شريمد ديوي ڀاڳونت جي موضوعن ۽ ان جي فڪري اونھائي تي علمي حلقن ۾جاچ جاري آھي.
ھن رَھس جي مطالعي مان خبر پوي ٿي تھ ديوي ماتا جي پرڪرتي جي نرڳڻ روپ کان وٺي سرڳڻ روپ تائين جو سڄو سفر تمام تفصيل سان بيان ڪيو ويو آھي. سناتني مت جي فڪر ۾ ڪائنات جي پيدائش، تخليق ۽ واڌ ويجھ جا جيڪي اصول ٻڌايا ويا آھن، اھي ھن گِرنٿ ۾بھترين طريقي سان پيش ڪيا ويا آھن. ماھرن جو چوڻ آھي تھ اھڙن قديم گرنٿن جو مطالعو انسان کي پنھنجي تاريخ، ثقافت ۽ ڪائناتي سچائين سان جوڙڻ ۾ اھم ڪردار ادا ڪري ٿو.
علمي ۽ تحقيقي ادارن پاران اھڙن موضوعن تي فڪري نشستن جو انعقاد پڻ ڪيو وڃي ٿو جتي نئين نسل کي سناتني گِرنٿن جي فلسفي کان آگاھھ ڪيو وڃي ٿو. ديوي پُراڻ جھڙن ڪتابن ۾ موجود فڪر نھ رڳو مذھبي حوالي سان اھم آھي پر ان جو فلسفيانھ پس منظر پڻ انساني سوچ کي وسيع ڪرڻ ۾ مدد ڏئي ٿو. سنڌ جي ادب ۽ ثقافت جي واڌاري لاءِ قديم ورثي کي محفوظ رکڻ ۽ ان تي تحقيق جاري رکڻ وقت جي اھم ضرورت آھي.
