پروگرام جي شروعات قرآن پاڪ جي تلاوت سان ڪئي وئي جنهن کان پوء اسلاميات جي ليڪچرار محترم عزيزالله بکراڻي جن حفظ حديث جي حوالي سان جناح هائوس , اقبال هائوس ۽ شهباز هائوس جي مرحلي وار ٽن ڪيڊٽ کان ترتيبوار حضور اڪرم صلي الله عليه وآله وسلم جن جي حديثن بابت ، ڪنهن به حديث جا پهريان اکر پڙهي حديث کي ترجمي سان پورو ڪرڻ ۽ ڪي به پنج حديثون ترجمي سان بيان ڪرڻ جو مقابلو ڪرايو جنهن ۾ جناح هائوس جي ڪيڊٽ ارشاد علي ، حسين بلوچ ، غلام مرتضي ڪاميابي ماڻي ورتي پروگرام جي ٻئي مرحلي ۾ اسلامي سوالن جوابن جي حوالي سان جناح هائوس ، شهباز هائوس ۽ اقبال هائوس جي مرحلي وار ٻن ڪيڊٽ جي وچ ۾ مقابلو شروع ٿيو جنهن ۾ هر هڪ هائوس جي ڪيڊٽ کان پهرين مرحلي ۾ پنج سوال پڇا ڪيا ويا جنهن کان پوء ٻي مرحلي ۾ موضوعوار سوالن جوابن جو مقابلو ٿيو اسلامي سوالن جوابن جي حوالي سان شهباز هائوس جي ڪيڊٽ ميان مزمل ۽ محمد احمد ڪاميابي ماڻي ورتي ڪيڊٽ ڪاليج ڪرمپور جي ليڪچررس ۽ ڪيڊٽس حفظ حديث ۽ اسلامي سوالن جي پروگرام مان ڪافي استفادو حاصل ڪيو پروگرام جي آخر ۾ ڪيڊٽ ڪاليج ڪرمپور جي پرنسپال محترم محمد هاشم ميمڻ حضور اڪرم صلي الله عليه وآله وسلم جن جي حديثن جي اهميت تي روشني وڌي ۽ نئين نسل کي ان تي عمل ڪرڻ جي نصيحت ڪئي جنهن کانپوء حفظ حديث ۾ ڪاميابي ماڻيندڙ جناح هائوس جي ڪيڊٽ کي ٽرافي ڏني وئي ۽ اسلامي سوالن جوابن جي مقابلي ۾ ڪاميابي ماڻيندڙ شهباز هائوس جي ڪيڊٽ کي ٽرافي ڏني وئي.
