اسلام آباد (ويب ڊيسڪ): حڪومت پيٽروليم شين جي اگهن ۾ وڏو اضافو ڪندي پيٽرول ۽ هاءِ اسپيڊ ڊيزل جي قيمت ۾ في ليٽر 26 رپيا 77 پيسا واڌ ڪري ڇڏي آهي.
جاري نوٽيفڪيشن موجب واڌ کانپوءِ پيٽرول جي نئين قيمت 393 رپيا 35 پيسا في ليٽر مقرر ڪئي وئي آهي، جڏهن ته هاءِ اسپيڊ ڊيزل 380 رپيا 19 پيسا في ليٽر ٿي ويو آهي.
نوٽيفڪيشن موجب نون اگهن جو اطلاق اڄ رات 12 وڳي کان ٿيندو ۽ ايندڙ هفتي تائين برقرار رهندو.
وفاقي وزير پيٽروليم Ali Pervaiz Malik موجب علائقائي ڇڪتاڻ سبب عالمي مارڪيٽ ۾ تيل جي اگهن ۾ ٻيهر واڌ ٿي رهي آهي، جنهن سبب قيمتن جي دٻاءَ ۽ عالمي ڀائيوارن سان معاهدن تحت اهو قدم کڻڻو پيو.
هن چيو ته حڪومت جتي تائين ممڪن ٿيو پيٽروليم شين جي اگهن ۾ واڌ جو بار پاڻ برداشت ڪيو، جڏهن ته اميد آهي ته علائقائي امن ۾ بهتري بعد عوام کي رليف فراهم ڪري سگهجي ٿو۔
