اسلام آباد / لاس اينجلس: ورلڊ ايٿليٽڪس ايندڙ لاس اينجلس اولمپيڪس گيمز 2028ع جي تيارين سلسلي ۾ ايٿليٽڪس مقابلن لاءِ باضابطه ڪواليفڪيشن سسٽم جو اعلان ڪري ڇڏيو آهي.
اداري موجب، هي نظام دنيا جي سڀني رانديگرن کي دوڙ، جمپنگ ۽ ٿروئنگ جهڙن ٽريڪ اينڊ فيلڊ ايونٽس ۾ عالمي مقابلن دوران بهترين ڪارڪردگي ڏيکاري اولمپڪس ۾ شرڪت يقيني بڻائڻ جو شفاف موقعو فراهم ڪندو.
نئين نظام جا اهم پهلو
- سڀني ٽريڪ ۽ فيلڊ ايونٽس لاءِ واضح ۽ منصفانه معيار مقرر
- بين الاقوامي مقابلن وسيلي قابليت ثابت ڪرڻ جو سڌو رستو
- پاڪستان سميت اسرندڙ ملڪن جي ايٿليٽس لاءِ اڳواٽ تياريءَ جو موقعو
راندين جي ماهرن چيو آهي ته وقت سر ضابطا جاري ٿيڻ سان ايٿليٽس ۽ قومي فيڊريشنز پنهنجي ٽريننگ شيڊول بهتر انداز ۾ تيار ڪري سگهنديون.
