ڪراچي پاڪستان ٽيليويزن پي ٽي وي ڪراچي سينٽر جي تاريخ رڳو نشريات ۽ پروگرامن تائين محدود ناھي، پر ان جي چئن ديوارن اندر ھڪ اھڙو ثقاف ۽ علمي دؤر پڻ گذريو آھي، جنھن سنڌ جي فنکارن، اديبن، صحافين ۽ تخليقڪارن جون زندگيون ھميشھ لاءِ بدلي ڇڏيون. پي ٽي وي ڪراچيءَ جي ڪينٽين صرف چانھ پيئڻ يا طعام جو ھنڌ نھ ھئي، پر ھا نامور شخصيتن، شاعرن ۽ فنڪارن جي ھڪ اھڙي مرڪزي بيھڪ ھئي، جتي فڪري مباحثا، ثقافتي چرچا ۽ فن جي نون رخن تي غوروفڪر ڪيو ويندو ھو.
ڪڏھن ڪڏھن زندگي انسان کي ڪجھھ اھڙن ماڻھن ۽ ھنڌن سان ملاائيندي آھي، جن سان ملاقات تھ چند گھڙين جي ھوندي آھي، پر اھي لمحي زندگيءَ جي ڪينواس تي نقش ٿجي ويندا آھن. پي ٽي وي ڪراچيءَ جي ڪينٽين ۾ گذاريل اھي سھڻا ڏين اڄ بھ پراڻن ساٿين جي اکين ۾ چمڪ ۽ دلين ۾ ھڪ اڻمٽ ياد طور زندھ آھن. ڪو اجنبي فنڪار يا نئون ڊائريڪٽر اوچتو ڀرسان اچي ويھندو ھو، ڪو معمولي سوال ڪندو ھو ۽ پوءِ ان سوال مان فڪر جا ڪيترائي نوان در کلي پوندا ھئا، جيڪي تخليقي سفر کي نئين روشني ڏيندا ھئا
اڄ جي ڊجيٽل ۽ تيز رفتار دور ۾ جتي ھر شيءِ مشيني ۽ بي روح ٿيندي پئي وڃي، اتي ماضيءَ جون اھي يادون روح کي سڪون بخشينديون آھن. پي ٽي وي ڪراچي سينٽر جي ڪينٽين وارو اھو دؤر سنڌ جي ميڊيا تاريخ جو ھڪ سونھري باب آھي، جنھن فن ۽ ادب جي واڌاري لاءِ بيحد اھم ڪردار ادا ڪيو. نئين نسل جي صحافين ۽ فنڪارن لاءِ اھو ضروري آھي تھ اھي پنھنجي تاريخ ۽ انھن سونھري روابتن کان واقف رھن، جن ھن اداري کي عظمت جي بلندين تائين پھچايو.
